गत बिहीबार बजार पुनः बढ्ने सुरसार गरेको भएता पनि आज भने त्यसलाई निरन्तरता दिन सकेन । बढ्ने अनुमान गरिएको बजार पुनः घटेको छ । कारोबार सुरु हुँदा बढ्ने प्रयास गरेको बजारमा बिक्री चाप बढी देखिएका कारण उठ्न नसकेको हो ।
गत आर्थिक वर्षमा कम्पनीहरुले गरेको नाफाबाट लाभांश वितरण गर्ने सिजन सुरु भएको छ । अर्काेतिर बैंकको ब्याजदर अझै घट्ने अनुमान गरिएको छ ।
त्यसैगरी, बैंकमा भएकाे लगानीयाेग्य रकम परिचालित हुन सकेको छैन । यति हुँदा हुँदै पनि बजारले सकारात्मक गति समाउन सकेकाे छैन् । संस्थागत र ठूला लगानीकर्ता 'पर्ख र हेर' को अवस्थामा बस्दा बजारले गति लिन नसकेको लगानीकर्ताको अनुमान छ ।
