नयाँ सरकार बनेपछि शेयर बजार उच्च अंकले बढेको भएपनि अहिले बजार निरन्तर घट्दा अर्थमन्त्री पौडेलले चासो व्यक्त गरेका छन्। "३००० विन्दुमा पुगेको नेप्से अहिले फेरि किन घटेर २५०० मा झर्यो। म जवाफ खोज्न आएको हुँ," नेप्से पुगेर पौडेलले भने।
पौडेलले ३० अर्बसम्म पुगेको कारोबार रकम समेत घटेर ५ अर्बमा झरेकोमा समेत चिन्ता व्यक्त गरेका छन्।
सरकार पूँजी बजारको दिगो विकासको पक्षमा रहेको भन्दै अब आवश्यक कदम चाल्न ढिला गर्न नहुने समेत उनले बताए। पौडेलले बजारमा हुने इन्साइर ट्रेडिङ, कर्नरिङ लगायतका गलत क्रियाकलापलाई समेत नेप्सेले निगरानी गर्नुपर्ने बताएका छन्।
