आइतबार एयरलाइन्सले सरकारले नै निर्धारण गरेको अधिकतम मूल्य राखेर उडान गरेपछि चौतर्फी विरोध भएको थियो। बाढीपहिरोको कारण सडक यातायात पूर्ण रुपमा अबरुद्ध भइरहेको बेला एयरलाइन्सले महँगो शुल्क लिएको गुनासो बढेपछि नेपाल नागरिक उड्डयन प्राधिकरणले छलफलमा बोलाएको थियो। छलफलमा अबका तीन दिन नियमित भाडामै उडान गर्ने सहमति भएको हो।
यस्तै वायुसेवा सञ्चालकहरुले नेपाल आयल निगमले बेच्दै आएको हवाई इन्धनमा अधिक नाफा लिइरहेकोले तत्कालका लागि मूल्य घटाउन समेत प्रस्ताव गरेका छन्। यस्तै तीनदिनसम्म प्राधिकरणले एयरलाइन्सहरुलाई विमानस्थल प्रयोगबापत लिने शुल्कमा समेत छुट दिन वायुसेवा कम्पनीहरुले प्रस्ताव राखेका छन्।
