मंगलबार शेयर बजारसँगै कारोबार रकम पनि बढेको छ। यसले गर्दा शेयर बजारले बढ्दो लय समाउन लागेको हो कि भन्ने आंकलन गर्न थालिएको छ। तर दशैँ नजिकिदै गरेको र असाेज मशान्तको दबाव समेत उत्तिकै रहेकोले सजग भने हुनुपर्ने लगानीकर्ताहरु बताउँछन्।
पछिल्लो एक महिनायता नै नेप्से सूचक करिब २० प्रतिशतले घटिसकेको थियो। ३००० विन्दु माथिसम्म पुगेको नेप्से घटेर २४५० भन्दा तल झरेको थियो। सुरुवातमा ब्रोकर कम्पनीहरुले लगानीकर्तालाई दिने लिमिटमा कडाई गर्दा बजार घटेको विश्लेषण हुँदै आएको थियो भने पछिल्लो केहि समयदेखि भने चार्डपर्वको लागि बजारबाट पैसा निकल्नु पर्ने र असोज मशान्तको प्रेसरले पनि बजार दबावमा परेको थियो।
पछिल्लो समय बढेको बजारलाई कारोबार रकमले पनि साथ दिएमा भने बजारले बढ्दो गति समाउन सक्ने लगानीकर्ताहरु बताउँछन्।
