यसका साथै, २ दिनमा विपदमा परी २२४ जनाले ज्यान गएकाे छ भने २४ जना बेपत्ता भएका छन् । यस्तै, बाढी र पहिराेबाट १५८ जना घाइते भएका छन् ।
अर्यालका अनुसार बाढी, पहिरो र डुवानबाट खानेपानीको संरचनामा ३ खर्ब ५५ करोड रूपैयाँ र सडक पूर्वाधारतर्फ २ अर्ब ५२ करोड क्षति भएको प्रारम्भिक अनुमान रहेकाे छ । यसैगरी, उर्जातर्फ ४ अर्ब रूपैयाँ, सिँचाईतर्फ २ अर्ब रूपैयाँ र कृषि तथा पशुपक्षीतर्फ ६ अर्ब रूपैयाँको क्षति भएको उनले जानकारी दिएका छन् । तर कृषि बालीमा भएको क्षतिको विवरण हालसम्म यकिन गर्न नसकिएकाे भन्दै उनले एक महिनाभित्र तयार पारिने बताए ।
यसकासाथै, सरकारले खोज तथा उद्दार कार्य २ दिनभित्र सक्ने तथा राहतलाई एकद्धार प्रणालीमार्फत वितरण गर्ने योजना बनाएकाे छ । त्यस्तै, सरकारले घरबारबिहीन भएका बाढी पहिराे पीडितहरुलाई तोकेको स्थानमा अस्थायी आवास बनाउन पनि दिने भएकाे छ ।
