सामसङ फोल्डका बजारमा धेरै ह्याण्डसेट उपलब्ध छन् । अब कम्पनीले ट्राइ फोल्ड सेग्मेन्टमा प्रवेश गर्ने भएको छ । एक महिना अघि मात्रै हुवावेले विश्वको पहिलो ट्राइ फोल्ड फोन लन्च गरेपछि, सामसङ ट्राइ फोल्ड फोन ल्याइने खबर आएको हो।

एन्ड्रोइड पुलिस पोर्टलका अनुसार सामसङले अब ट्राइ फाेल्ड बजारमा प्रतिस्पर्धा गर्ने तयारी गरिरहेको छ । तर, हुवावे अझै धेरै बजारमा नआइसकेकाले कोरियाली कम्पनीलाई बढी फाइदा हुने अनुमान गरिएकाे छ । सामसङले ट्राई फोल्डमा काम सुरु गरेको छ । यसमा स्क्रिन दुई पटक फोल्ड गर्न सकिनेछ र यो हुवावे मेट एक्सटी जस्तै हुनेछ।

सामसङले अर्को वर्ष ट्राई फोल्ड फोन ल्याउन सक्ने

रिपोर्टका अनुसार सामसङले अर्को वर्ष ट्राई फोल्ड लन्च गर्न सक्छ । ट्राइ फोल्ड स्क्रिनको विकासको काम सामसङको डिस्प्ले विङले गरेको हो । यद्यपि, प्रक्षेपणको बारेमा आधिकारिक पुष्टि भने भइसकेकाे छैन।

हुवावे मेट एक्सटी चीनमा मात्र उपलब्ध

हुवावे मेट एक्सटी हाल ट्राइ फोल्डको साथ आउने एक मात्र फोन हो। यद्यपि, यो चीन बाहिर उपलब्ध छैन। हुवावेलाई अमेरिकी बजारमा प्रतिबन्ध लागेदेखि नै यसले अन्तर्राष्ट्रिय बजारमा केही फ्ल्यागशिप ह्यान्डसेटहरू लन्च गर्दै आएको छ । सामसङले आफ्नो ट्राइ फोल्ड फोन अर्को वर्ष लन्च गरेमा यो फोन विश्व बजारमा ल्याउने पहिलो कम्पनी हुनेछ ।

हुवावे मेट एक्सटीको विशिष्टताहरू

हुवावे मेट एक्सटीमा ६.४ इन्चको ओएलइडी(OLED) डिस्प्ले रहेको छ र अनफोल्ड गरेपछि यो मोबाइलमा १०.२ इन्चको डिस्प्ले दिइएकाे छ । यसमा स्क्रिन दुई पटक फोल्ड हुन्छ।

हुवावे मेट एक्सटीको क्यामेरा सेटअप

हुवावे मेट एक्सटीमा ५० मेगापिक्सलको प्राइमरी क्यामेरा हुनेछ। सेकेन्डरी क्यामेरा १२ मेगापिक्सेलको अल्ट्रा वाइड एंगल लेन्स हो। तेस्रो क्यामेरा १२-मेगापिक्सल टेलिफोटो मेगापिक्सल टेलिफोटो लेन्स हो, जसको अप्टिकल जूम ५.५x छ। यसमा ५,६००mAh सिलिकन कार्बन ब्याट्री प्रयोग गरिएकाे छ।