चालु आर्थिक वर्षको पहिलो तीन महिनामा १० करोड ४७ लाख ९७ हजार रुपैयाँ खुद नाफा आर्जन गरेको छ । यो गतवर्षको यसै अवधिको तुलनामा ९०.३२ प्रतिशतले बढेको हो । अघिल्लो वर्ष लघुवित्तले ५ करोड ५० लाख रुपैयाँ खुद नाफा आर्जन गरेको थियो । खुद ब्याज आम्दानी र सञ्चालन नाफा बढेसँगै लघुवित्तको खुद नाफामा बढोत्तरी भएको हो ।
समीक्षा अवधिसम्ममा लघुवित्तको खुद ब्याज आम्दानी ३० करोड ४४ लाख रुपैयाँ छ । यो शतप्रतिशत भन्दा धेरैले बढेको हो । त्यसैगरी लघुवित्तको सञ्चालन मुनाफा १४ करोड ९७ लाख रुपैयाँ छ । गतवर्षको यसै अवधिको तुलनामा लघुवित्तको सञ्चालन मुनाफा ९०.३२ प्रतिशतले बढेको हो ।
चुक्ता पुँजी १ अर्ब १६ करोड ५५ लाख रुपैयाँ रहेको लघुवित्तको जगेडा कोषमा एक अर्ब ४० करोड रुपैयाँ जम्मा छ । यस अवधिसम्ममा ५६ करोड ५८ लाख रुपैयाँ निक्षेप संकलन गरेको लघुवित्तले अन्य वित्तीय संस्थाबाट ऋण गरेर २१ अर्ब २९ करोड ४७ लाख रुपैयाँ कर्जा परिचालन गरेको छ ।
पहिलो त्रैमाससम्मको वित्तीय विवरण अनुसार लघुवित्तको प्रतिशेयर आम्दानी वार्षिक ३५ रुपैयाँ २९ पैसा छ । प्रतिशेयर नेटवर्थ २४७ रुपैयाँ ७५ पैसा छ भने निष्कृय कर्जा ४.२६ प्रतिशत रहेको छ ।
