कात्तिक महिनामा व्यक्तिगत मुद्दति निक्षेपको अधिकतममा औषतमा ६.१८७८ प्रतिशतविन्दुका दरले ब्याज दिइरहेका २० वाणिज्य बैंकहरुले मंसिर महिनामा औषतमा ५.९७०३ प्रतिशतविन्दुका दरले ब्याज दिने भएका छन्। बैंकहरुको औषत ब्याजदर मंसिर महिनामा ०.२१७४ प्रतिशतविन्दु घटेको हो।
कात्तिक महिनाको तुलनामा मंसिरमा १२ बैंकहरुले ब्याजदर घटाएका छन् भने ८ वाणिज्य बैंकहरुले असोज महिनाकै ब्याजदरलाई निरन्तरता दिएका छन्। एक वाणिज्य बैंकले भने ब्याजदर थोरै बढाएको छ।
मंसिर महिनामा सबैभन्दा बढी ब्याज दिने बैंक एनआईसी एशिया बैंक रहेको छ। सो बैंकले व्यक्तिगत मुद्दति निक्षेपमा अधिकतममा ६.७९ प्रतिशतका दरले ब्याज दिने भएको छ। सबैभन्दा कम ब्याज भने लक्ष्मी सनराइज बैंकको रहेको छ। यस्तो निक्षेपमा सो बैंकले अधिकतममा ५.५ प्रतिशतका दरले ब्याज दिनेछ।
सर्वाधिक ब्याज घटाउने बैंक भने माछापुच्छ्रे बैंक रहेको छ। कात्तिक महिनामा व्यक्तिगत मुद्दति निक्षेपमा अधिकतममा ७ प्रतिशत ब्याज दिएको यस बैंकले मंसिरमा ६ प्रतिशतका दरले ब्याज दिने भएको छ। राष्ट्रिय वाणिज्य बैंकले भने यस्तो निक्षेपको ब्याजदर ०.२ प्रतिशतविन्दुले बढाएको छ।
