मेटाले यी आरोपहरूलाई स्पष्ट रूपमा अस्वीकार गरेको छ र यसको विरुद्धमा अपील गर्ने बताएको छ।
मेटामाथि कतिकाे छ जरिवाना ?
२७ राष्ट्रहरूकाे ब्लक युरोपेली आयोगकाे कार्यकारी शाखा र शीर्ष प्रतिस्पर्धा विरोधी प्रवर्तकले मेटामाथि ७९७.७२ मिलियन यूरोकाे जरिवाना लगाएकाे छ। मेटा विरुद्ध आयोगको चलिरहेको अनुसन्धानले मेटाले आफ्नो शक्तिको दुरुपयोग गरेको फेला पारेको छ । यसैगरी, आफ्नो विज्ञापन व्यवसायलाई यसको सामाजिक नेटवर्कमा लिङ्क गरेर प्रतिस्पर्धालाई विकृत गरेको पनि आरोप लगाइएको छ।
अन्य कम्पनीहरूले गरे कठिनाइको सामना
मेटाले फेसबुक प्रयोगकर्ताहरूलाई उनीहरूकाे इच्छा हाेस्न वा नहाेस् मार्केटप्लेस विज्ञापनहरू देखाउने गरेकाे छ। यस कारण अन्य कम्पनीहरूलाई प्रतिस्पर्धा गर्न कठिन बनाएकाे छ। फेसबुक र इन्स्टाग्राममा अन्य कम्पनीका विज्ञापनहरूबाट तथ्यांककाे प्रयोग मार्केटप्लेसको फाइदाको लागि गरेको आरोप पनि मेटामाथि छ। यद्यपि, मेटाले आफ्नो विज्ञप्तिमा यो जरिवानासँग असहमत रहेको जनाएको छ।
एजेन्सी ।
