आईतबारको बजार ९.९९ अंकले घटेर २७३८.०६ विन्दुमा पुगेको छ । समीक्षा मार्फत थप लचकताको अपेक्षा राखेका लगानीकर्ताहरु असन्तुष्ट हुँदा बजार घटेको हो । समीक्षा मार्फत शेयर धितो कर्जामा जोखिमभार घटाउन र व्यक्तिगततर्फ १५ करोडको क्याप हटाउनु पर्ने माग लगानीकर्ताको थियो ।
पछिल्लाे समय बजारमा लगानीकर्ताहरु कम पूँजी भएका कम्पनीतर्फ आकर्षित भएका छन् । बजारमा चलाउन सकिने कम्पनीहरुकाे शेयर (ट्रेन्डिङ शेयर) रोजाईमा पर्ने गरेको छ । यसरी कम्पनीको व्यवसायिक पक्षलाई नहेरी अन्धाधुन्द शेयर मूल्य वृद्धि हुँदा लगानी जोखिम बढेकाे जानकारहरुको बुझाई छ । लगानीकर्ताले दोस्रो बजारमा लगानी गर्नु पूर्व कम्पनीको अवस्थालाई हेरेर लगानी गर्नुपर्ने देखिन्छ ।
