बुधबारको बजारमा बैंकिङ समूहमा चमक आउदा नेप्से सूचकमा समेत उत्साहा आएको थियो । बजार बढेर २७ सय भन्दा माथिल्लो विन्दुमा पुगेर बन्द भएको थियो । बजार बढ्छ भन्नेमा आम लगानीकर्तामा विश्वास नभएपछि बिहीबारको बजारमा बिक्री दबाव परेको हो ।
लामो समय साइडवेजमा बसेको बजार बढ्न केही आवश्यक महसुस गरेको छ । पछिल्लो समय बजारमा प्राविधिक विश्लेषण गरेर लगानी गर्ने लगानीकर्ताहरुको बाहुल्याता धेरै छ । बजारमा प्राविधिक विश्लेषणसँग सगै स्मार्ट मनीको रणनीतिलाई पनि मध्यनजर गरेर लगानी गर्नु पर्ने युवा लगानीकर्ता तथा प्राविधिक विश्लेषक सुदिप भट्टले बताए । अहिलेको बजार इलियट वेभ अनुसार बजार दोस्रो वेभमा छ । अब तेस्रो वेभ बैंकको शेयर बढेर हुने भट्टको दावी छ ।
