सिओलबाट प्रकाशित हुने आर्थिक पत्रिका मेल बिजनेसका अनुसार यात्रु र चालक दलको करिब १.४७२ ट्रिलियन वोन अर्थात एक अर्ब डलर बराबरको (नेपाली रुपैयाँ करिब एक खर्ब ३० अर्ब) बराबरको बीमा दावी भएको छ । त्यसमाथि जहाजको बिमा दाबी समेत गर्दा त्यसको झण्डै दोब्बर दावी हुने अनुमान कोरियन हवाई उड्यनन कार्यालयका अधिकारीहरुले गरेका छन् ।
दुर्घटनामा परेको विमानको करिब १.५२५७ ट्रिलियन वोन अर्थात १.०३६५१ अर्ब डलर बराबरको बीमा गरिएको उक्त पत्रिकाले उल्लेख गरेको छ ।
जेजु एयरले उक्त जहाज र यात्रुको बीमा मध्ये कोरियाको सामसुङ फायर एन्ड मरिन इन्स्योरेन्समा ५५ प्रतिशत, केबी इन्स्योरेन्स कम्पनीमा २६ प्रतिशत, डिबी इन्स्योरेन्समा १३ प्रतिशत, मेरिट्ज फायर एण्ड मरिन इन्स्योरेन्स कम्पनीमा ३ प्रतिशत र हाना इन्स्योरेन्स कम्पनीबाट ३ प्रतिशत बराबरको बीमा गरिएको जानकारी दिएको छ । यी पाँच बीमा कम्पनीहरूले ९२.२ प्रतिशत एयरलाइन्स बीमा विदेशी पुनर्बीमाकर्तालाई दिएको र बाँकी ०.८ प्रतिशत मात्रै आफूले ग्रहण गरेका छन् ।
जेजु एयरको जहाज दुर्घटनाले मानविय र भौतिकरुपमा जति क्षति भएको छ, त्यत्तिकै क्षति पुर्नबीमा कम्पनीहरुले भोग्ने भएका छन् । यसअघिको सबैभन्दा महंगो इथियोपियन एयरको जहाजको दावी भुक्तानी रकम २.२५ बिलियन अमेरिकी डलर दावी भुक्तानी तिर्नुपरेको थियो । सो घटनापछि विश्वभर नै हवाई बीमाको महसुल उच्च मात्रामा बढेको थियो । यसपटक कजाकस्तानमा अजरबैजान एयरको जहाज दुर्घटना लगत्तै जेजु एयरको दुर्घटनाले हवाई बीमाको प्रिमियम थप बढ्ने विश्लेषकहरुले अनुमान गरेका छन् ।
