पुस मसान्त नजिकिएसँगै आजको बजारमा दबाव परेको हुन सक्ने आंकलन गरिएको छ । यद्यपि, निरन्तर रुपमा बढेकाे बजारमा केही अंकको करेक्सन हुनुलाई सामान्य रुपमा लिनु पर्ने लगानीकर्ताहरुको बुझाई छ।
अहिलेको बजारमा लगानीकर्ताहरु सट्टेवाजीको रुपमा कारोबार गर्न बाध्य भएका छन् । सरकारले पूँजी बजार मार्फत पर्याप्त अवसरहरु प्रदान नगर्दा बजार सट्टेवाजीको रुपमा रुपान्तरण भएको पूँजी बजार विज्ञ डा. गोपाल प्रसाद भट्टले बताए । पूँजी बजारमा थप औजारहरु ल्याएर लगानीकर्ताहरुलाई अवसर प्रदान गर्न नसक्दा बजारबाट सरकारले प्रर्याप्त लाभ लिन नसकेको भट्टको भनाइ छ ।
