नेपाल वेयरहाउजिङ्गको प्रमुख कार्यकारी अधिकृतमा पवन कुमार शर्मा नियुक्त

Feb 03, 2025 01:32 PM Merolagani



नेपाल वेयरहाउजिङ्ग कम्पनी लिमिटेड (NWCL)को प्रमुख कार्यकारी अधिकृतमा पवन कुमार शर्मा नियुक्त भएका छन् । शर्मा सँग भारतमा कोल्याट्रल म्यानेजमेन्ट, वेयरहाउस रिसिप्ट् फाइनान्सिङ्ग तथा वेरहाउजीङ्ग सम्बन्धी तीन दशक भन्दा बढीको अनुभव रहेको छ ।

शर्माले श्रम तथा व्यवस्थापन सुरक्षा विभागबाट यही माघ ४ गते नेपाल वेयरहाउजिङ्ग कम्पनीमा एक वर्षको लागि प्रमुख कार्यकारी अधिकृतको रूपमा कार्य गर्न श्रम इजाजत प्राप्त गरेका थिए । त्यसै बमोजिम आइतबारको दिन बसेको कम्पनी सञ्चालक समितिको बैठकले उनलाई एक वर्षको लागि कम्पनीको प्रमुख कार्यकारी अधिकृतको पदमा नियुक्त गरेको हो ।

यस कम्पनीमा निम्बस समूह, शिखर इन्स्योरेन्स, टिम भेन्चर्स, नेपाल इन्फ्रास्टक्चर बैंक, एनएमबि बैंक र आइएमई जनरल इन्स्योरेन्स प्रमुख लगानीकर्ता रहेका छन् । कम्पनीले देशका तीन स्थान सुनसरी, पर्सा र कपिलवस्तुमा साइलो प्रविधिमा आधारित आधुनिक खाद्यान्न भण्डारण गृह निर्माण गरी कृषि वस्तु सङ्कलक, खाद्यान्न प्रशोधनकर्ता, औद्योगिक प्रतिष्ठान तथा दाना उत्पादकहरूलाई सेवा प्रदान गर्दै आइरहेको छ । कम्पनीले हालसम्म तीन वटा जिल्लाहरूमा ५५ हजार मट्रीक टनको वेयर हाउस निर्माण गरेको छ ।




माछापुच्छ्रे बैंकद्वारा लाभांश घोषणा

Aug 29, 2025 06:52 PM

माछापुच्छ्रे बैंक लाभांश घोषणा गरेकाे छ । आज बसेकाे संचालक समिति बैठकले गत आर्थिक वर्ष २०८१/८२ को खुद नाफाबाट सेयरधनीलाई चुक्ता पुँजीको ८ प्रतिशत लाभांश करसहित दिने प्रस्ताव गरेकाे छ ।