कार्यकाल जम्मा ४ महिना जति रहेका कुलमानलाई हटाउँदा सरकार विरुद्धको माहाेल थप तात्ने अर्थात सरकार र पार्टीलाई समेत ‘व्याक फायर’ हुने अवस्था रहेको भन्दै एमालेका उच्च नेताहरुले नै खबरदारी गरिरहेका छन् ।
सरकारले कुलमानलाई हटाउने निर्णयबाट पछि हटेको जानकारी एमाले महासचिव शंकर पोख्रेलले पनि दिएका छन् । एक अनलाइनलाई दिएको अन्तरवार्तामा पोख्रेलले भनेका छन्-उनी ढिलो चाँडो बिदा हुँदैछन् । अझै ४ महिनाजति बाँकी होला । त्यस अर्थमा सरकारले उनलाई अहिले नै बिदा गरिहाल्छ जस्तो लाग्दैन ।
पोख्रेलले ‘अहिले नै बिदा गरिहाल्छ जस्तो लाग्दैन’ भने पनि उनीसहितका नेताहरुको दबावकै कारण ओली कुलमानलाई हटाउने निर्णयबाट पछि हटेको प्रधानमन्त्री निकट स्रोतको दावी छ ।
