विश्वभर शेयर कारोबार गर्ने कम्पनीको पूँजीकरण १२३.६२ ट्रिलियन डलर, पूँजीकरणमा अमेरिकी र संख्यामा चीन अगाडि

Mar 17, 2025 11:20 AM mero lagani

विश्वमा शेयर कारोबार गर्ने कम्पनीहरुको कूल बजार पूँजीकरण (टोटल मार्केट क्यापटलाइजेशन) करिब १२३.६२ ट्रिलियन डलर पुगेको छ भने कारोबार हुने कम्पनीहरुको संख्या ४७ हजार ८१० पुगेको छ ।

विश्वमा बजार पूँजीकरण सम्वन्धि काम गर्ने ‘भिजुअल क्याप्टलिष्ट’का अनुसार शेयर बजारमा अझै पनि संयुक्त राज्य अमेरिकाको प्रभुत्व कायम छ । तर, पछिल्ला केही वर्षयता चीनमा सबैभन्दा तीब्रतर रुपमा पूँजी बजारको विकास भैरहेको छ । त्यहीकारण अहिले शेयर कारोबार हुने कम्पनीहरुको संख्यामा अमेरिकामा भन्दा चीनमा निकै धेरै छ ।

उक्त संस्थाका अनुसार बजार पूँजीकरणको हिसाबले विश्वको पूँजी बजारको झण्डै आधा हिस्सा अमेरिकाले ओगटेको छ । ६०.०७ ट्रिलियन बजार पूँजीकरण रहेको छ, जुन विश्वको शेयर बजारको कूल बजार पूंजीकरणको ४८.६ प्रतिशत होे । अमेरिकामा केवल ६०६२ कम्पनीको शेयर कारोबार हुने गर्छ ।

जबकी विश्वको पूँजी बजारमा दोस्रो ठूलो स्थान ओगटेर पनि अमेरिका भन्दा निकै सानो रहेको चिनियाँ बजारमा कारोबार हुने कम्पनीहरुको संख्या भने ७६११ पुगेको छ । चीनको बजार पूँजीकरण १५.५८ ट्रीलियन डलर पुगेको छ, जुन विश्वका कूल शेयर कारोवार हुने कम्पनीहरुको बजार पूँजीकरणको १२.६ प्रतिशत हिस्सा हो ।

सन् २०२५ को जनवरीसम्म विश्वभरका शेयर कारोबार गर्ने कम्पनीहरुको संख्या र पूँजीकरण यस्तो छ:

देश,क्षेत्र बजार क्याप (ट्रीलियन डलर ) बजार हिस्सेदारी % कारोबार हुने कम्पनी

अमेरिका ४६०.०७ ४८.६% ६,०६२

चीन ४१५.५८ १२.६% ७,६११

EU ४१४.९९ १२.१% ५,७८२

एशिया

(जापान, चीन, भारतबाहेक ) ४६.७९ ५.५% १,०१७६

जापान ४६.२० ५.०% ४,०२३

भारत ४५.१८ ४.२% ४,७८८

अफ्रिका र मध्य पूर्व ४५.०९ ४.१% २,४७८

बेलायत ४३.२७ २.६% १,०६४

क्यानाडा ४२.९७ २.४% २,७०१