फार्मासिस्ट तथा एसिस्टेन्ट फार्मासिस्टहरु प्रायः आपतकालिन वा सामान्य चोटपटकको समयमा समुदायिका व्यक्तिहरुसँग सम्पर्कमा आउने पहिलो पात्रहरु हुन् । उनीहरुलाई प्राथमिक उपचार र आधारभूत घाउ व्यवस्थापन सीपहरुले सशक्त बनाइ आपतकालिन अवस्थामा प्रभावकारी तथा सुरक्षित सहायता प्रदान गर्ने क्षमता बढाउन सो तालिमको आयोजना गरिएको कम्पनीको भनाइ छ । सो एक दिने तालिमको उद्देश्य सामान्य चोटपटक लाग्ने गरिने उपचार र आधारभूत सुटरिङ्ग प्रक्रियाहरु बुझ्न आत्मविश्वास र क्षमता निर्माण गर्ने कम्पनीले बताएको छ ।
सहभागीहरुले भिजुअल प्रिजेन्टेशन, लाइभ डेमन्स्ट्रेसन, सामूहिक छलफल, सिमुलेशन मोडलहरु प्रयोग गरेर अभ्यास, मेडिकल प्रोफेशनलहरुको निर्देशन जस्ता विधिहरुबाट तालिम प्राप्त गरेका थिए । सहभागीहरुलाई सर्टिफाइड फस्र्ट एड ट्रेनर, नेत्र रोग विशेषज्ञ तथा इमर्जेन्सी हेल्थकेयर एक्सपर्ट सन्दिप कुमार श्रीवास्तवले तालिम प्रदान गरेका थिए ।
आरम्भ करियर सर्भिसेज शिक्षा, सीप विकास र रोजगारी बीचको दूरीलाई कम गर्न व्यापक करियर विकास समाधानहरु प्रदान गर्ने लक्ष्य सहित स्थापना भएको कम्पनी हो । यस कम्पनीले व्यक्ति, विशेष गरेर विद्यार्थी, भर्खर स्नातक उत्तिर्ण गरेका र भर्खर आफ्नो करियर सुरु गर्न लागेकाहरुलाई दिगो मार्गतर्फ मार्गदर्शन गर्ने काम गर्दछ । यसका साथै प्रोफेशनलहरुको सीपमा वृद्धि गराउन विभिन्न प्रोफेशनल डेभलपमेन्ट मोडल पनि कम्पनीले उपलब्ध गराउँदछ ।
कम्पनीले किताबी ज्ञान र व्यवहारिक ज्ञानबीचको दूरी मेटाउने प्रयास गर्दछ । अस्पताल, समाज, पढाइ र बजारमा दशकभन्दा बढी अनुभव भएका दक्ष जनशक्तिहरु कम्पनीसँग आबद्ध छन्। कम्पनीले फ्रेसर, इन्टर्न तथा काम गरिरहेका फार्मासिस्टहरुको विकास र हौसला बढाउने काम गर्दै आएको छ ।
