२०८१ साउन १ देखि २०८२ जेठ मसान्तसम्मको अवधिमा करिब २ खर्ब अर्ब ४७ अर्ब रूपैयाँ बराबरको वस्तु निर्यात भएको छ । यो अघिल्लो बर्षको यही अवधिको तुलनामा ७७ प्रतिशतले बढी हो । यो नेपालको इतिहासमै निर्यातको क्षेत्रमा भएको सबैभन्दा धेरै वृद्धि हो । आर्थिक वर्ष २०४१/४२ मा निर्यात वृद्धिदर ६० प्रतिशत पुगेको थियो ।
यस्तै चालु वर्षको ११ महिनामा १६ खर्ब ४४ अर्ब रूपैयाँ बराबरको आयात भएको छ । यो अघिल्लो वर्षको यसै समयको तुलनामा १३ प्रतिशतले बढी हो ।
चालु आर्थिक वर्षको ११ महिनामा १३ खर्ब ९७ अर्ब २२ करोड ७३ लाख रुपैयाँ व्यापार घाटा भएको छ । जुन गत आर्थिक वर्षको सोही अवधिको तुलनामा ६.३० प्रतिशतले बढी रहेको भन्सार विभागले जनाएको छ ।
गत आर्थिक वर्षको ११ महिनामा १३ अर्ब १४ अर्ब ४४ करोड १८ लाख ५८ हजार रुपैयाँ व्यापार घाटा थियो ।
चालु आर्थिक वर्षको ११ महिनामा १८ खर्ब ९२ अर्ब ३६ करोड ७७ लाख ९९ हजार रुपैयाँको वैदेशिक व्यापार भएको थियो । जुन गत आर्थिक वर्षको तुलनामा १८.८० प्रतिशतले वैदेशिक व्यापार बढेको छ । गत आर्थिक वर्ष ११ महिनामा १५ खर्ब ९२ अर्ब ९६ करोड ६५ लाख २५ हजार रुपैयाँ वैदेशिक व्यापार भएको थियो ।
