प्राधिकरणले काठमाडौं उपत्यकासहित देशका ७ वटा वितरण केन्द्रका चार्जिङ स्टेशनको आवश्यक पूर्वाधार बनाउन १ करोड ८१ हजार रुपैयाँ थप बजेट छुट्याएको हो ।
प्राधिकरणका अनुसार, जोरपाटी वितरण केन्द्रअन्तर्गत पन्चपोखरी सुनौलो यातायात प्रालि, सोही केन्द्रमै निलो माइक्रो यातायात समिति प्रालि, सुर्खेत विरतण केन्द्रमा म शक्ति ट्रेड लिंक इको चार्ज इभी चार्जिङ स्टेशन, गु्ल्मी विरतण केन्द्रअन्तर्गत मैत्री यातायात प्रालि, भोजपुर वितरण केन्द्रमा जय बज्रङ किराना पसल, इटहरी वितरण केन्द्रमा रितेश्वर चार्जिङ सेन्टर र जोरपाटी वितरण केन्द्रको इन्द्रायणी भुल्बु यातायात प्रालिलगायतका चार्जिङ स्टेशनका लागि बजेट विनियोजन गरिएको हो ।
जसमा जोरपाटी विरतण केन्द्रका लागि १० लाख ६ हजार, सोही केन्द्रको निलो माइक्रो चार्जिङ सेन्टरका लागि १४ लाख ८१ हजार, सुर्खेत वितरण केन्द्रका लागि २८ लाख १९ हजार, गुल्मी वितरण केन्द्रका लागि १३ लाख ७१ हजार, भोजपुर वितरण केन्द्रका लागि १० लाख १८ हजार, इटहरी वितरण केन्द्रका लागि ९ लाख ९१ हजार र जोरपाटी वितरण केन्द्रका लागि १३ लाख ९५ हजार रुपैयाँ थप बजेट विनियोजन गरिएको हो ।
प्राधिकरणले पनि विद्युत खपतका विद्युत्तीय सवारी (इभी) का लागि देशका विभिन्न स्थानमा चार्जिङ स्टेशन निर्माण गरिरहेको छ । प्राधिकरणका अनुसार, गत आर्थिक वर्ष २०८१/०८२ को अवधिमा ३११ वटा चार्जिङ स्टेशन थप निर्माण भएका छन् ।
हालसम्म १ हजार ५११ वटा चार्जिङ स्टेशन तथा सेन्टरहरु जडान भइसकेको प्राधिकरणले जनाएको छ ।
