गत आर्थिक वर्षको अन्त्यसम्ममा कम्पनीले २ अर्ब ६१ लाख रुपैयाँ बिक्री आम्दानी गरेको छ। यो अघिल्लो आर्थिक वर्षको सोही अवधिको तुलनामा करिब १ अर्ब बढी हो। अघिल्लो आर्थिक वर्षको सोही अवधिसम्ममा कम्पनीले १ अर्ब ६३ करोड बिक्री आम्दानी गरेको थियो।
बिक्री आम्दानी बढेसँगै कम्पनी नाफामा पुगेको छ। अघिल्लो आर्थिक वर्षको असार मसान्तसम्ममा ४७ करोड १० लाख रुपैयाँ नोक्सानीमा रहेको यस कम्पनी, गत आर्थिक वर्षको सोही अवधिसम्ममा ६१ लाख ५० हजार रुपैयाँ नाफामा पुगेको छ।
समीक्षा अवधिमा कम्पनीको कुल नाफा ८ करोड ६२ लाख रुपैयाँबाट बढेर ७० करोड ६ लाख रुपैयाँ पुगेको छ। त्यस्तै, अघिल्लो आर्थिक वर्ष १३ करोड ६४ लाख रुपैयाँ ऋणात्मक रहेको कम्पनीको सञ्चालन मुनाफा, गत आर्थिक वर्ष ४३ करोड ७० लाख रुपैयाँ धनात्मक भएको छ।
नाफासँगै कम्पनीको प्रतिशेयर आम्दानी पनि धनात्मक भएको छ। समीक्षा अवधिमा कम्पनीको यस्तो आम्दानी १५ रुपैयाँ ३२ पैसा ऋणात्मकबाट २० पैसा धनात्मक भएको छ। सो अवधिसम्ममा कम्पनीको प्रतिशेयर नेटवर्थ १९० रुपैयाँ ४९ पैसा रहेको छ।
३ अर्ब ७ करोड ५० लाख रुपैयाँ चुक्ता पूँजी रहेको यस कम्पनीको जगेडा कोषमा १ अर्ब १२ करोड ९२ लाख रुपैयाँ सञ्चित छ।
