यसवर्षको दशैं पूर्व अर्थात आईतबार ११.५१ अंकले बढेर २६६३.५१ विन्दुमा पुगेको छ । यसदिन २ अर्ब ९१ कारोड ५९ लाख रुपैयाँ बराबरको शेयर खरिदबिक्री भएको छ । फेष्टिभ मुडमा रहँदा शेयर बजार सुस्ताएको लगानीकर्ताहरुको बुझाई छ ।
शेयर बजारप्रति सरकार सकारात्मक रहेको पाइन्छ । सरकारले बजारको समस्या अध्ययन गर्न गठन गरेको कार्यदलले सरकारलाई सुझाव बुझाई सकेको छ । उक्त कार्यदलले बुझाएको सुझावप्रति लगानीकर्ताहरु उत्साहित भएको देखिन्छ ।
सरकारले उक्त सुझावको कार्यान्वयनमा जोड दिए शेयर बजारले राम्रो फड्को मार्ने आम बुझाई छ । सरकारको अहिलेको कार्यशैलीलाई हेर्दा ती सुझाव कार्यान्वयनमा आउनेमा लगानीकर्ताहरु विश्वस्त भएको पाइन्छ ।
त्यसैगरी,दशैपछि सूचिकृत कम्पनीहरुले वार्षिक साधारण गर्ने समय हो । उक्त समयमा कम्पनीको लाभांश क्षमतालाई हेरेर लगानी गर्नुपर्छ । बढ्दो तरलता र घट्दो ब्यादरले पनि शेयर बजारमा लगानीको लागि राम्रो वातावरण बनेको छ । यस्तो अवस्थामा लगानीकर्ताहरु हतार गरेर शेयर बिक्री गर्ने भन्दा पनि केही समय धैर्य गर्नुपर्ने तिर लाग्ने देखिन्छन् ।
