नुवाकोटको ककनी र धादिङको धुनबँसीस्थित बञ्चरेडाँडाका बासिन्दाले विगतमा सरकारसँग भएका सहमति र माग पूरा नभएसम्म फोहोर बिसर्जन रोक्ने भन्दै फोहोर बोकेका गाडी काठमाडौं फिर्ता पठाएका हुन् ।
यसअघि पनि कात्तिक दोस्रो साता त्यहाँका स्थानीयले फोहोर बिसर्जन रोकेका थिए । पछि, गत कात्तिक १६ गते पुगेका सहरी विकासमन्त्री कुलमान घिसिङले सहमति कार्यान्वयनको चरणमा लैजान गरेको प्रतिबद्धता जनाएपछि अवरोध हटेको थियो ।
त्यतिबेला १५ दिनभित्र मागअनुसार कार्य सुरू गर्ने सहमति भएको थियाे । उक्त सहमति अहिले पनि पूरा नभएको भन्दै त्यहाँका स्थानीयले पुनः फोहर विसर्जनमा अवरोध गरेका हुन् ।
