कर्णालीको आठ अंक भएको छ भने यस अघि नै प्लेअफमा पुगेको सुदूरपश्चिम रोयल्सको १० अंक छ।
यो हारसँगै कर्णालीको ‘प्लेअफ’ यात्रा कठिन भएको छ। अहिलेसम्म खेलका पाँच खेलमा एउटा मात्रै जितेर चारवटा हारेको छ । एक खेल मात्रै जितेको कर्णालीको दुई अंक छ।
कर्णालीले अब पोखरा र जनकपुरसँग खेल्न बाँकी छ। कर्णालीले अब प्लेअफ पुग्न ती दुई खेलमा जित निकालेर मात्र पुग्दैन, अन्य खेलको नतिजा मा भर पर्नु पर्ने भएको छ ।
आइतबारको खेलमा कर्णालीले दिएको एक सय ५० रनको लक्ष्य काठमाण्डूले १८ ओभरमा पाँच विकेट गुमाएर पुरा गर्यो । काठमाण्डूका लागिजोन सिमसनले २१ बलमा ४१ रन, जेरहार्ड ४३ रनमा र भीम सार्की ६ रनमा नटआउट रहे। रसिद खान शून्यमा आउट भए। वेन चार्ल्सवर्थले ३४ रन मिलिन्द कुमार १५ तथा आकाश त्रिपाठीले ८ रन बनाए ।
कर्णालीका लागि नन्दन यादवले तीन विकेट लिए। पवन सर्राफले एक विकेट लिए र त्यसअघि टस जितेर ब्याटिङ गरेको कर्णालीले सात विकेटको क्षतिमा एक सय ४९ रन बनाएको थियो । कर्णालीका लागि गुल्सन झा ४९ रन बनाएर अविजित रहे। नन्दन यादव एक रनमा अविजित रहे।
त्यस्तै,पवन सर्राफले ३५ रन, मार्क वाट ३० रन, प्रियांक पञ्चाल सून्य रन, विलियम बसिस्टो एक रन, नजिबुल्लाह जड्रान १२, कप्तान सोमपाल कामी ६ तथा दीपक डुम्रेले १० रन बनाए ।
काठमाण्डूका लागि रसिद खानले दुई विकेट लिए। करण केसी, मिलिन्द कुमार र सन्तोष यादवले एक-एक विकेट लिए।
