भन्सार विभागका अनुसार कात्तिक महिनासम्ममा २ लाख ५६ हजार ५०७ थान राउटर आयात भएको थियो । मंसिर एकमहिनामै १ लाख २५ हजार ५७५ थान राउटर आयात भएको पाइएको छ।
भन्सार विभागको तथ्याङ्क अनुसार यो अवधिमा पनि छिमेकी चीन र भारतसहित विश्वका जम्मा १२ मुलुकबाट राउटर आयात भएको छ। सबैभन्दा धेरै बढी चीनबाट ९० करोड ६ लाख ६१ हजार रुपैयाँ बराबरको ३ लाख ६३ हजार ८७४ थान राउटर आयात भएको छ ।
यसैगरी भारतबाट ५ लाख ६१ हजार बराबरको ३९२ थान, मलेसियाबाट ४ लाख ९८ हजार बराबरको ५१ थान, कतारबाट २ हजार बराबरको ५ थान, अमेरिकाबाट २ लाख ७७ हजार बराबरको २ थान राउटर आयात भएको छ। यसैगरी भियतनामबाट ५ करोड १६ लाख ५० हजार बराबरको १७ हजार ३६० थान राउटर आएको भन्सार विभागले जानकारी दिएको छ ।
