लक-इन अवधि समाप्त भएपछि यी शेयरहरू दोस्रो बजार कारोबारका लागि योग्य हुनेछन्। विवरण अनुसार बिक्रीका लागि खुल्ला हुने शेयरहरूमध्ये संस्थापक समूहको १४ लाख कित्ता रहेको छ। त्यसैगरी, आयोजना प्रभावित क्षेत्रका स्थानीय बासिन्दाका लागि सुरक्षित गरिएको १९ हजार ४२० कित्ता र कर्मचारीहरूका लागि सुरक्षित ११ हजार ६१० कित्ता शेयरको लक-इन पनि सोही दिन सकिनेछ।
यद्यपि, कम्पनीका सञ्चालकहरू र उच्च व्यवस्थापकीय पदमा कार्यरत कर्मचारीहरूको हकमा भने यो व्यवस्था लागू हुने छैन। प्रचलित कानुनी प्रावधान र नियमानुसार उनीहरूको शेयर भने तत्कालका लागि रोक्का नै रहने कम्पनीले स्पष्ट पारेको छ।
साधरणतया कम्पनीहरूले आईपीओ निष्कासन गर्दा संस्थापक, स्थानीय र कर्मचारीहरूका लागि तीन वर्ष शेयर बिक्री गर्न नपाउने नियम छ। शुभम पावरको हकमा उक्त अवधि माघ २६ मा सकिन लागेको हो।
