कम्पनीको परियोजना रहेको स्थान नुवाकोटगढी वीर नेपालीले अंग्रेजलाई परास्त गरेको ठाउँ हो। साथै सोही स्थानमा भगवान गौतमबुद्धको कुलगुरुको प्राचीन आश्रम रहेको विभिन्न बौद्ध धर्मग्रन्थमा उल्लेख छ। बुटवलस्थित सो कम्पनीले गत आर्थिक वर्षमा ८ करोड सञ्चालन मुनाफा आर्जन गरेको थियो भने आगामी वर्ष उच्च मुनाफा गर्ने आंकलन गरेको छ।
कम्पनीमा बुटवलका स्थानीय उद्यमी ई. राजेन्द्र सिंह गुरुङ अध्यक्ष र प्रबन्ध सञ्चालकमा व्यवसायी प्रभुलाल अधिकारी रहेका छन्। कम्पनीको मुख्य लगानीकर्तामा प्रभु केबलकार एन्ड टुरिजम, प्रभु ग्रुप, बुटवल क्षेत्रका व्यवसायी, उच्च राजनीतिक नेतृत्वलगायत स्थानीयको लगानी छ।
