टेवा क्षेत्रबाट उक्लियो
यस साता कम्पनीको शेयरमूल्य टेवा क्षेत्रबाट उक्लिएको छ। गत साताको अन्तिम कारोबार दिन टेवा क्षेत्रमा झरेको यस कम्पनीको शेयरमूल्य, यस साता टेवा पाएर उक्लिएको हो। हाल कम्पनीको टेवा क्षेत्र ५०५ देखि ५३० सम्म रहेको छ। आगामी दिन कम्पनीको शेयरमूल्य उकालो लागेमा ६८० देखि ७३० को क्षेत्रमा प्रतिरोधको सामना गर्ने देखिन्छ।
खरिदकर्ता हाबी
साप्ताहिक रुपमा यस साता कम्पनीको शेयरमूल्यले लामो पुच्छर भएको हरियो मैनबत्ती बनाएको छ। त्यस्तै, साताको अन्तिम दुई कारोबार दिन पनि कम्पनीको शेयरमूल्यले बुलिश मैनबत्ती बनाएको छ। यसले सो साता र सो कारोबार दिनहरुमा कम्पनीको शेयरमा खरिदकर्ता हाबी रहेको संकेत गर्दछ।
एआई सिग्नल
मेरोलगानी एआई चार्टले कम्पनीको शेयरमा हालसम्म ९ वटा सिग्नल दिइसकेको छ। जसमध्ये ६ सिग्नलमा लगानीकर्ताहरुले नाफा कमाएका थिए भने तीन सिग्नलमा स्टप लस गर्नु परेको थियो। हाल एआईले कम्पनीको शेयरमा कुनै सिग्नल दिएको छैन।
बलियो भोल्यूम
यस साता कम्पनीको भोल्यूम पनि बलियो रहेको छ। यस साता दैनिक औषतमा कम्पनीको ८० हजार ८४५ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम ४२ हजार १५५ कित्ता रहेको छ। २० दिने औषत भोल्यूमको तुलनामा नेप्सेको दैनिक औषत भोल्यूम ९१.७८ प्रतिशत बढी हो।
बुलिश क्रशओभर
यस साता कम्पनीको शेयरमूल्यले बुलिश क्रशओभर बनाएको छ। साताको अन्तिम कारोबार दिन कम्पनीको एमएसिडी रेखाले सिग्नल रेखालाई तलबाट काटेर माथि लागेसँगै यस्तो क्रशओभर बनेको हो। यसले आगामी दिनमा कम्पनीको शेयरमूल्य बढ्ने संकेत गर्दछ। यद्यपि, सुनिश्चित गर्न भने आगामी साताको पहिलो कारोबार दिनको कारोबार हेर्नुपर्नेछ। कम्पनीको हिस्टोग्राम पनि नकारात्मक क्षेत्रबाट सकारात्मक क्षेत्रमा पुगेको छ।
बिक्रीचाप बढी
साताको अन्तिम कारोबार दिन कम्पनीको स्टकास्टिक आरएसआई ओभरसोल्ड जोनमा रहेको छ। यसले बजारमा कम्पनीको शेयरमा खरिदचापको तुलनामा बिक्रीचाप बढी रहेको संकेत गर्दछ।
वित्तीय अवस्था
सुपर मादी हाइड्रोपावरले चालु आर्थिक वर्षको पहिलो त्रैमाससम्म ११ करोड १८ लाख रुपैयाँ खुद नाफा कमाएको छ। यो गत आर्थिक वर्षको यसै अवधिको तुलनामा ३०.६४ प्रतिशत कम हो। गत आर्थिक वर्षको सोही अवधिसम्ममा कम्पनीले १६ करोड १३ लाख रुपैयाँ नाफा कमाएको थियो।
समीक्षा अवधिमा कम्पनीको विद्युत बिक्रीबाट हुने आम्दानी ४२ करोड १५ लाख रुपैयाँबाट घटेर ३९ करोड ५५ लाख रुपैयाँमा झरेको छ। कम्पनीको विद्युत बिक्री आम्दानी घट्दा नाफामा गिरावट आएको हो। समीक्षा अवधिमा कम्पनीको वित्तीय खर्च १६ करोड ३५ लाख रुपैयाँबाट घटेर १८ करोड ६० लाख रुपैयाँमा सीमित भएको छ।
२ अर्ब ३१ करोड ५२ लाख ५० हजार रुपैयाँ चुक्ता पुँजी रहेको यस कम्पनीको जगेडा कोषमा २५ करोड ३३ लाख रुपैयाँ सञ्चित छ।
गत असोज मसान्तसम्ममा कम्पनीको प्रतिशेयर आम्दानी १९ रुपैयाँ ३३ पैसा रहेको छ भने प्रतिशेयर नेटवर्थ ११० रुपैयाँ ९४ पैसा रहेको छ। यस साताको अन्तिम मूल्य आधारमा कम्पनीको मूल्य आम्दानी अनुपात ३०.७७ गुणा रहेको छ भने प्राइस टु बुकभ्यालु रेशियो ५.३६ गुणा रहेको छ।
आधारभूत विश्लेषण
हाल नेप्सेमा कम्पनीको २ करोड ३१ लाख ५२ हजार ५०० कित्ता शेयर सूचीकृत छ। साताको अन्तिम कारोबार मूल्यका आधारमा कम्पनीको कुल बजार पूँजीकरण १३ अर्ब ७७ करोड ११ लाख ७ हजार रुपैयाँ रहेको छ। कम्पनीको १८० दिने औषत मूल्य ८३१ रुपैयाँ ९९ पैसा रहेको छ। त्यसैगरी, कम्पनीको ५२ हप्ताको उच्च मूल्य १ हजार ६५७ रुपैयाँ रहेको छ भने न्यून मूल्य ४९० रुपैयाँ १० पैसा रहेको छ।
ब्रोकर ५८ बाट सर्वाधिक खरिदबिक्री
यस साता ब्रोकर नम्बर ५८ ले कम्पनीको सबैभन्दा शेयर खरिदबिक्री गरेको छ। सो ब्रोकरले यस साता कम्पनीको २० हजार २१० कित्ता शेयर खरिद गरेर १३ हजार ८५१ कित्ता शेयर बिक्री गरेको छ। त्यस्तै, यस साता ब्रोकर नम्बर ५५ ले कम्पनीको १४ हजार १२८ कित्ता शेयर खरिद गरेको छ भने ब्रोकर नम्बर ६५ ले कम्पनीको ११ हजार ६५९ कित्ता शेयर बिक्री गरेको छ।
न्यूट्रल जोनमा
यस साता फियर एण्ड ग्रीड मिटरमा कम्पनीको शेयर एक्ट्रिम फियर जोनबाट फियर जोनतर्फ बढिरहेको छ। यसले लगानीकर्ताहरुमाझ कम्पनीको शेयरमूल्य घट्छ भन्ने डर केही कम भएको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
