भौतिक पूर्वाधार तथा यातायात मन्त्रालयले सूचना जारी गर्दै हाललाई तीन महिनाका लागि चैत १८ गतेदेखि तीन महिनासम्म स्याप्रुबेशी दक्षिण पुलदेखि चीन नेपाल मैत्री पुल रसुवागढी सडक खण्ड बन्द हुने भएको हो ।
चीन सरकारकोअ अनुदान सहयोगमा स्तरोन्नति भइरहेको उक्त सडक हाललाई बन्द रहने भएको हो । उक्त खण्डमा अति अप्ठ्यारो र अति नै जोखिमयुक्त ठाउँहरु निर्माण कार्य गर्दा निर्माण सामग्री तथा मेसिनरी राख्न, छिटोभन्दा छिटो प्रगति हासिल गर्न तथा सुरक्षाको दृष्टिकोणले पनि सडक बन्द गरेर नै निर्माण कार्य अघि बढाउनु परेको मन्त्रालयले जनाएको छ ।
मन्त्रालयले तीन महिना सडक बन्द हुँदा यसबाट सर्वसाधारणमा पर्न जाने असुविधाका लागि क्षमाप्रार्थी रहेको जनाएको छ ।
