लगानीकर्ताहरुले कार्यालय १० बजे खुल्दा शेयर काराेबार ११ बजेदेखि हुन्थ्याे, अब ९ बजे खुल्ने भएपछि १० बजेदेखि किन काराेबार नहुने ? भनि प्रश्न गर्न थालेका छन् । तर, कारोबारको समय भने परिवर्तन नगरिएको नेपाल स्टक एक्सचेन्ज (नेप्से)का प्रवक्ता मुराहरि पराजुलीले बताए ।
अब शेयर बजार शुक्रबार पनि खुल्ने भएको छ । साताको पहिलो दिन आइतबार बन्द गरेर शुक्रबार खुलाउने भएकाे छ ।
हालसम्म साताको पहिलो दिन आइतबारदेखि बिहीबारसम्म मात्रै शेयर कारोबार हुँदै आएको थियो । अब भने आइतबारको सट्टा शुक्रबार शेयर कारोबार हुने नेप्सेका प्रवक्ता पराजुलीले जानकारी दिए । नयाँ व्यवस्था लागु भएपछि अब सोमबारदेखि शुक्रबारसम्म हप्ताको पाँच दिन नै शेयर कारोबार हुनेछ ।
गत आइतबारकाे मन्त्रिपरिषद् बैठकले इन्धनको खपत कम गर्ने उद्देश्यले सातामा दुई दिन (शनिबार र आइतबार) सरकारी कार्यालयलाई बिदा दिने निर्णय गरेको थियो ।
