उनले आफ्नो सामाजिक सञ्जालमार्फ सरकारको दमनबाट घाइते भएकाहरुको स्वास्थ्य लाभको कामना गरेको र उनीहरुको उपचार खर्च राज्यले ब्यहोर्नुपर्ने बताए ।
यदि, राज्यले खर्च नबेहोरेमा पार्टीले उपचार खर्च ब्यहोर्ने बताए । ‘मेरो रिहाइको माग गर्नेहरूमाथि चर्को दमन गरी घाइते बनाएका सबै घाइतेहरुको शीघ्र स्वास्थ्यलाभको कामना गर्दछु । उहाँहरूको उपचार खर्च राज्यले बेहोर्नु पर्दछ, यसमा राज्य उदासीन भए पार्टीले उपचार खर्च बेहोर्ने जानकारी गराउँछु,’ उनले भनेका छन् ।
उनले सरकारले पूर्वाग्रह र प्रतिशोधपूर्ण रूपमा फौजदारी अभियोग लगाई १३ दिनसम्म गैरकानुनी नियन्त्रणमा राखे पनि मुद्दा चलाउने आधार र प्रमाण नपुगेपछि अन्ततः रिहा गरेको बताएका छन् ।
