पूर्वाधार विकास मन्त्रालयको प्रगति विवरण अनुसार, पूर्वाधार विकास विभागमार्फत सञ्चालन भइरहेका रणनीतिक तथा राष्ट्रिय गौरवका सडकहरु कालोपत्रे भएका हुन् ।
उक्त अवधिमा दुई लेनको ३६४ किलोमिटर र चार लेनको ७४ किलोमिटर सडक कालोपत्रे सम्पन्न भएको हो । त्यस्तै, उक्त अवधिमा १०३ किलोमिटर ग्राभेल सडक र ८८ किलोमिटर माटे सडक निर्माण भएको हो ।
उक्त ९ महिनाको अवधिमा देशभर ४६ वटा पुल निर्माण सम्पन्न भएका छन् । त्यस्तै, ६३ किलोमिटर रणनीतिक सडकहरुको आवधिक मर्मतसम्भार कार्यसमेत सम्पन्न भएको हो । सरकारले चालू आवमा एक हजार किलोमिटर सडक कालोपत्रे गर्ने लक्ष्य राखेको थियो ।
तर, विभिन्न कारणले उक्त लक्ष्य पूरा हुन भने सकेन् । पूर्वाधार विकास विभागमातहतमा अहिले देशभर रणनीतिक र राष्ट्रिय राजमार्ग गरेर कुल २० हजार किलोमिटर सडक पर्दछ ।
