केहीले सार्वजनिक सवारी साधन बसकाे प्रयाेग गर्न थालेका छन् भने केही पुरानाे भएपनि आफ्नै सवारी साधान खरिद गर्न थालेका छन् ।
१०० रुपैयाँको राइड गर्दा ६ रुपैयाँ सरकारले लिन थालेको छ । शुक्रबारदेखि भएका प्रत्येक राइडमा सरकारले ५ प्रतिशत मूल्य अभिवृद्धि कर र एक प्रतिशत कारोबारको टीडीएस समेत गरी ६ रुपैयाँ लिन थालेको छ ।
यो सरकारी व्यवस्थासँगै राइड सेयरिङ कम्पनीहरुले आफ्ना राइडर र क्याप्टेनहरुलाई सूचना जारी गर्दै यस्तो रकम ‘तिर्न बाँकी रकम’को रूपमा जोडिने र राइडरले अनिवार्य रुपमा पठाउनुपर्ने निर्देशन जारी गरेको छ ।
अहिले राइड सेयरिङ कम्पनीहरूले एप्लिकेसन सर्भिसबापत २० प्रतिशतसम्म कमिसन लिँदै आएका छन् । पठाओले २० प्रतिशतसम्म, इन्ड्राइभले १० प्रतिशत, याङ्गोले ३ प्रतिशत कमिसन लिँदै आएका छन् ।
सरकारी राजस्वसँगै अब कर र सेवा शुल्क मात्रै २६ प्रतिशतसम्म पुगेको छ । यसमा इन्धन, मर्मत, मोबाइल डाटा, भ्वाइस लगायत समावेश छैनन् ।
