नेपालको इतिहासमै पहिलो पटक खुला प्रतिस्पर्धाबाट राजदूत छनाेट हुन लागेसँगै यति धेरै आवेदन परेका हुन् । परराष्ट्र मन्त्रालयले दोहोरिएका आवेदनहरु हटाएर आगामी सातादेखि प्रारम्भिक छनोट प्रक्रिया सुरु गर्ने जनाएको छ ।
सरकारले गत १४ जेठमा योग्य नेपाली नागरिकबाट आवेदन आह्वान गर्दै छनोट प्रक्रियासम्बन्धी सात पृष्ठ लामो कार्यविधिसहितको सूचना प्रकाशित गरेको थियो । यस प्रक्रियामा पारदर्शिता र योग्यता प्रणालीको बहस चलिरहेका बेला सर्वोच्च अदालतले सरकारसँग नियुक्ति प्रक्रियाबारे लिखित जवाफ माग गरेको छ।
