लगभग सुरुङमार्गको सम्पूर्ण काम सकिएकाले साउन ११ गते उद्घाटन गर्न लागिएको सडक विभागले जनाएको छ ।
‘हामीले साउन ११ गतेबाट सुरुङमार्ग सञ्चालन गर्न लागेको छौं । त्यही दिन विधिवत उद्घाटन हुन्छ,’ विभागका प्रवक्ता शुभराज न्यौपानेले भने ।
उनका अनुसार, सुरुङमार्गको उद्घाटन पूर्वाधार विकास मन्त्री सुनिल लम्सालसहित जापान सहयोग नियोग(जाइका)का प्रतिनिधि, जापनीज राजदूत लगायतको संयुक्त उपस्थितिमा उद्घाटन गरिनेछ । उद्घाटन भए पनि त्यस लगत्तै सर्वसाधारणले सुरुङमार्गबाट गाडी गुडाउन भने पाउने छैनन् ।
‘उद्घाटन गरेपछि त्यसको टेस्ट ड्राइभ र परिक्षण हुन्छ । साउनको अन्तिमदेखि सर्वसाधारणले समेत सुरुङमार्ग हुँदै यात्रा गर्न पाउनुहुन्छ,’ उनले भने ।
