एनएमबि सरल बचत फण्ड–इ का इकाईधनीलाई करसहित ५.२५ प्रतिशत अर्थात् २५ करोड ६८ लाख रुपैयाँ बराबरको नगद प्रतिफल वितरण गर्ने निर्णय भएको छ।
फण्डको २०८३ साल असार मसान्तमा कायम ४ अर्ब ८१ करोड १७ लाख ५५ हजार ९७८ रुपैयाँ ४० पैसा इकाई पुँजीको आधारमा उक्त प्रतिफल वितरण गरिनेछ।
प्रतिफल प्राप्त गर्न साउन २१ गतेसम्म कायम इकाईधनीहरू योग्य हुनेछन्। सोहीअनुसार साउन २१ गतेसम्म कायम इकाईधनीले फण्डले वितरण गर्ने प्रतिफल प्राप्त गर्न सक्नेछन्।
प्रतिफल वितरणका लागि इकाईधनीको बैंक खाता तथा व्यक्तिगत विवरण अद्यावधिक हुनुपर्नेछ। कम्पनीले लगानीकर्तालाई आफ्नो विवरण अद्यावधिक राख्न आग्रह गरेको छ।
