प्रदर्शनीको पहिलो दिन मंगलबार मात्र २९ हजारभन्दा बढीले अवलोकन गरेकोमा दोस्रो दिन पनि हजारौंको संख्यामा उपस्थिति रहेको आयोजकले जनाएको छ ।
५५ वटा ब्रान्डमध्ये ४० वटा नयाँ ब्रान्डको लन्च गरिएको प्रदर्शनीमा नयाँ गाडी किन्ने ग्राहकहरुको उत्तिकै सहभागीता रहेको छ । विभिन्न नयाँ कम्पनीका गाडीहरुको बारेमा बुझ्न चाहने र प्रदर्शनी हेर्न जाने आगन्तुकहरु समेत बढ्दै गएका छन् ।
आगामी साउन ३१ गतेसम्म चल्ने उक्त प्रदर्शनीमा नयाँ विद्युत्तीय सवारी र अन्य सवारीहरु किन्न चाहने ग्राहकहरुले एउटै छानामुनी सेवा पाउने अवसर समेत जुटेको हो ।
