सुन र चाँदीको मूल्यमा उच्च वृद्धि : सुन प्रतितोला ३ लाख ५ हजार नाघ्यो

Aug 16, 2026 11:20 AM Merolagani



नेपाली बजारमा साताको पहिलो दिन आइतबार सुन र चाँदीको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासंघकाअनुसार आज सुनको मूल्य प्रतितोला ३ हजार ६ सय रुपैयाँले बढेको हो।

महासंघले आजका लागि सुनको कारोबार मूल्य प्रतितोला ३ लाख ५ हजार २०० रुपैयाँ निर्धारण गरेको छ। यसअघि गत शुक्रबार सुन प्रतितोला ३ लाख १ हजार ६०० रुपैयाँमा कारोबार भएको थियो। 

सुनसँगै चाँदीको मूल्यमा पनि आइतबार वृद्धि देखिएको छ। चाँदीको मूल्य तोलामा ५० रुपैयाँले बढेर प्रतितोला ४ हजार ७१० रुपैयाँ कायम भएको छ। गत शुक्रबार ९० रुपैयाँले घटेर चाँदी प्रतितोला ४ हजार ६६० रुपैयाँमा झरेको थियो ।

अन्तर्राष्ट्रिय बजारमा पनि सुनचाँदीको मूल्य उच्च बिन्दुमा पुगेको छ। आइतबार अन्तर्राष्ट्रिय बजारमा सुन प्रतिऔँस ४ हजार ३७६ दशमलव ६२ डलर र चाँदी प्रतिऔँस ६४ दशमलव ७ डलरमा कारोबार भइरहेको महासंघले जनाएको छ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।