बुधबार भोटेकोशी नदीमा आएको आकस्मिक बाढीले पुर्याएको क्षतिप्रति दुःख व्यक्त गर्दै नाडाले बिहीबार एक विज्ञप्ति जारी गरी उक्त रकम सहयोग गर्ने निर्णय गरेको हो। नाडाले यो रकम प्रधानमन्त्री दैवी प्रकोप राहत कोषमा जम्मा गर्ने जानकारी दिएको छ।
हाल भृकुटीमण्डपमा १८औँ नाडा अटो शो चलिरहेको छ। प्रदर्शनीकै समयमा प्राकृतिक विपदको घटना घटे पनि नाडाले अटो शोलाई निरन्तरता दिने स्पष्ट पारेको छ। आर्थिक गतिविधिलाई चलायमान राख्दै विपदसँग जुध्नुपर्ने बाध्यात्मक अवस्था रहेकाले कार्यक्रम नरोकिने नाडाको भनाइ छ।
नाडाले विज्ञप्तिमा भनेको छ, ‘आर्थिक गतिविधिलाई चलायमान राख्दै विपदसँग जुध्नुपर्ने अवस्था आएकाले नाडा अटो शो निरन्तर रहनेछ। यो विपदको बेलामा हातेमालो गर्दै आर्थिक गतिविधिलाई पनि सँगसँगै अगाडि बढाउन हामी सबैमा अपिल गर्दछौँ।’
अटो शोमा देखिएको उत्साह र व्यावसायिक माहोललाई कायम राख्दै सामाजिक उत्तरदायित्व अन्तर्गत पीडितहरूलाई सहयोग गर्ने नाडाको यो कदमलाई सकारात्मक रूपमा लिइएको छ।
