निष्कृय कर्जा अनुपातमा गत वर्षको तुलनामा शुन्य दशमलव शुन्य सात प्रतिशतले सुधार गरेको बैंकको चुक्ता पूँजी ५२ करोड १२ लाख ४८ हजार ५ सय रुपैंया रहेको छ । अघिल्लो आर्थिक वर्षको तुलनामा बैंकको चुक्ता पूँजी झण्डै १० करोड रुपैंयाले बढेको हो ।
अघिल्लो आर्थिक वर्षमा निष्कृय कर्जा अनुपात शुन्य दशमलव एक प्रतिशत रहेकोमा गत आर्थिक वर्षमा बैंकले त्यसमा सुधार गरि शुन्य दशमलव शुन्य तीन प्रतिशतमा झारेको छ । यसले बैंकको आर्थिक कृयाकलापलाई अझै सुदृढ बनाउने देखिएको छ ।
अघिल्लो आर्थिक वर्षमा १९ करोड २ लाख १८ हजार ८ सय ४० रुपैंया जगेडा कोष कायम गरेको बैंकले गत आर्थिक वर्षमा त्यो मात्रा ५ करोड २२ लाख ७० हजार ६ सय ३० रुपैंयाले बढाएको छ । यस पश्चात बैंकको जगेडा कोष रकम २४ करोड २४ लाख ८९ हजार ४ सय ७० रुपैंया पुगेको छ । जगेडा कोषमा आएको यो वृद्धि अघिल्लो आर्थिक वर्षको तुलनामा साढे २७ प्रतिशतले बढी हो ।
प्रति शेयर आम्दानी २९ रुपैंया ५९ पैसा कायम गर्न सफल बैंकले प्रतिशेयर नेटवर्थ पनि १ सय ४६ रुपैंया ५२ पैसा कायम गर्न सफल भएको छ । त्यसै गरि तरलता अनुपात ३० दशमलव तीन नौ प्रतिशत रहेको बैंकको मुल्य आम्दानी अनुपात १२ दशमलव सात आठ प्रतिशत रहेको छ ।
अघिल्लो आर्थिक वर्षमा ४ अर्व ९८ करोड ७२ लाख ९२ हजार ८ सय रुपैंया निक्षेप संकलन गरेको बैंकले गत आर्थिक वर्षको अन्त्यसम्मा निक्षेप ९४ करोड ७७ लाख ६२ हजार रुपैंयाले बढाएर ५ अर्व ९३ करोड ५० लाख ५५ हजार रुपैंया पुर्याएको छ ।
त्यसै गरि अघिल्लो आर्थिक वर्षमा ४ अर्व ३३ लाख ४७ हजार ३ सय ४० रुपैंया ऋण तथा कर्जा प्रवाह गरेको बैंकले गत आर्थिक वर्षमा ४ अर्व ८४ करोड ११ लाख ६० हजार ६ सय ५० रुपैंया ऋण प्रवाह गरेको छ । यो अघिल्लो आर्थिक वर्षको तुलनामा ८३ करोड ७८ लाख १३ हजार ३ सय १० रुपैंयाले बढी हो ।
व्याज आम्दानी र सञ्चालन आम्दानी साढे सात करोड रुपैंया भन्दा धेरै बढाएको बैंकको सञ्चालन खर्च भने झण्डै २ करोड रुपैंयाले बढेको छ ।
यसरी सबै आर्थिक सुचकांकमा राम्रो सुधार गरेको बैंकको भोलिका दिनमा हुने आर्थिक कृयाकलाप सन्तोषजनक देखिने सम्भावना छ । यसका अलावा चुक्ता पूँजी १ अर्व २० करोड पुर्याउन अहिलेको अवस्थामा भने धेरै मेहनत मेहनत गर्नुपर्ने देखिन्छ । तर एनएमबी बैंकसंगको मर्जर प्रकृया अघि बढिसकेका कारण पूँजी वृद्धिको टाउको दुखाई भने बैंकलाई अहिले देखिएको छैन ।
पूँजीकोष अनुपात १३ दशमलव सात पाँच प्रतिशत रहेको बैंकको प्रति शेयर सम्पत्तीको कुल मुल्य १ हजार ३ सय ५ रुपैंया ९६ पैसा रहेको छ ।
गत आर्थिक वर्षमा न्युनतम ३ सय २४ रुपैंयादेखि ४ सय ५५ रुपैंया प्रति कित्ता शेयर कारोबार भएको बैंकले उक्त अवधिमा ७१ ह्जार ६ सय ८३ वटा कारोबार गरेको छ ।
रुपन्देहीको बुटवललाई केन्द्र बनाएर आर्थिक कृयाकलाप गर्दै आएको बैंक एनएमबी बैंकसंगको मर्जरको संघारमा पुगेको छ । उक्त अवधि सम्ममा बैंकले चुक्ता पूँजी बढाएर ६४ करोड रुपैंया भन्दा माथि पुर्याउने लक्ष्य लिएको छ ।
........................................................................................................................................................................
तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।
