धितोपत्र बोर्डले स्वीकृती दिए सपोर्ट माइक्रोको आईपीओ बुधबार बाँडफाँड हुने

Nov 07, 2017 merolagani

सपोर्ट माइक्रोफाईनान्स (SMFBL) को सेयर निष्काशन तथा बिक्री प्रबन्धक एनएमबि क्यापिटलले माइक्रोफाइनान्सले जारी गरेको आइपीओ बुधबार बाँडफाँड गर्ने तयारी गरेको छ । धितोपत्र बोर्डको अनुमतिको पर्खाइमा रहेको क्यापिटलले बोर्डको अनुमति पाए बुधबार नभए विहीबार मात्र सेयर बाँडफाँड गर्ने जनाएको छ ।

 

लघुवित्तले असोज १८ देखि २३ गतेसम्म एक लाख ८० हजार कित्ता साधारण सेयर निष्काशन गरेको थियो । जसमध्ये दुई प्रतिशत अर्थात तीन हजार ६०० कित्ता सेयर कर्मचारी र ५ प्रतिशत अर्थात ९ हजार कित्ता आईपिओ सामुहिक लगानी कोषलाई छुट्याइएको थियो । एक लाख ६७ हजार ४०० कित्ता सेयर सर्वसाधारण लाई वितरण हुनेछ ।

साधारण सेयरमा २ लाख २६ हजार ९३२ जनाले दुई अर्ब २४ करोड ३२ लाख ६४ हजार १०० रुपैयाँको सेयर माग गरेका छन् । धितोपत्र बाँडफाँड नियमावली २०७४ अनुसार प्रत्येक आवेदकलाई १० कित्ता सेयरको दरले १६ हजार ७४० जना आवेदकलाई बाँडफाँड हुनेछ । बाँकी रहेका दुई लाख १० हजार १९२ जना आवेदकको हात खाली नै रहने निश्चित छ ।

विक्री प्रबन्धक एनएमबि क्यापिटलले दिएको तथ्याङ्कलाई आधार मानेर हेर्दा कुल आवेदकको ७.३८ प्रतिशत आवेदकले मात्र सेयर पाउनेछन् भने ९२.६२ प्रतिशत आवेदकले सेयर नपाउने भएका छन् ।

यसरी प्रयोग गर्नुहोस डाटा एनालिटिक्स

धितोपत्र बोर्डले सेयर आवेदनमा अनिवार्य आश्वा लागु गरेपछि आईपीओको सेयर बाँडफाँड २० दिनमै गर्न सकिने बताउँदै आएपनि सो लागू हुन सकेको छैन । क्यापिटलले भने धितोपत्र बोर्डले स्वीकृति नदिँदा आईपीओ जारी गरेको ४० औं दिनमा मात्रै बाँडफाँड गर्न लागेको हो । आश्वा प्रणाली अनिवार्य भईसकेको अवस्थामा बाँडफाँडको समायावधि समेत घटाउनुपर्ने सरोकारवालाले बताउँदै आएका छन् ।

सर्वसाधारणमा साधारण सेयर जारी गरेपछि कम्पनीको चुक्ता पूँजी ६ करोड रुपैयाँ पुग्नेछ । चार करोड २० लाख रुपैयाँ चुक्ता पूँजी रहेको  कम्पनीले गत आर्थिक बर्षमा ४८ लाख तीन हजार रुपैयाँ खुद नाफा कमाएको थियो ।

सपोर्ट माइक्रोफाइनान्स पाँचथर, तेह्रथुम, धनकुटा, सुनसरी, भोजपुर, खोटाङ, उदयपुर, सिन्धुली, रामेछाप र मकवानपुर गरी १० जिल्लालाई कार्यक्षेत्र बनाई २०७२ को साउनबाट औपचारिक रुपमा सञ्चालनमा आएको लघुवित्त हो ।

 

------------------------------------------------------------------------------------------------------------------------

................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर  ..................

.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य  ..................


comments powered by Disqus

सिद्धार्थ बैंकको लाभांस घोषणा

Dec 04, 2020 09:07 PM

सिद्धार्थ बैंकले गत आर्थिक वर्षको कमाइबाट शेयरधनीहरुलाई वितरण गर्ने लाभांश प्रस्ताव गरेको छ ।