यसरी ११ कित्ता सेयर प्राप्त गर्नेहरुमा २० कित्ताका लागि आवेदन गर्ने तीन जना, ३० कित्ताका लागि आवेदन गर्ने एक जना, र एक सय कित्ता सेयरका लागि आवेदन गर्ने एक जना रहेका छन् ।
आयुष ओम मानन्धर, शंकर श्रेष्ठ, र दिवस श्रेष्ठले २० कित्ताका लागि आवेदन गर्दा ११ कित्ता सेयर पाए । आशिष रानाले ३० कित्ता र अच्युत प्रसाद अधिकारीले एक सय कित्ता सेयर आवेदन गर्दा पाँच भाग्यशाली भित्र परि ११ कित्ता सेयर प्राप्त सफल भएका हुन् ।
प्रिमियर इन्स्योरेन्सले बिहीबार बाँडफाँड गरेको थप नयाँ सेयरमा आवेदन गर्ने क्रममा लगानीकर्ताले सामान्य कुराको हेक्का नराख्ने गरेका कारण धेरै आवेदन रद्द भएको पाइएको छ । सेयर संख्या, हितग्राही खाता लगायतका विबरण सही नहुँदा २ हजार ८४६ जना आवेदकको आवेदन रद्द भएको हो ।
धेरै सेयर प्राप्त गर्ने लोभमा दोहोरो आवेदन गर्ने १२८ को आवेदन रद्द भएको छ । १० ले भाग नजाने संख्यामा आवेदन गरेका कारण ९२ जनाले सेयर प्राप्त गर्न सकेनन् । सबैभन्दा धेरै आवेदन रद्ध हुने मुख्य कारण डिम्याट खाताको गलत विबरण उपलब्ध गराउनु हो ।
गतल डिम्याट नम्बर राखि आवेदन गरेका कारण २ हजार ६२६ जनाको आवेदन रद्द भएपछि उनीहरु सेयर पाउने सम्भावनाबाट बञ्चित भएका हुन् ।
