सर्वोच्चले एभरेष्टे होटलका सञ्चालक मशकुर अहमद लारी र नज्मा अहमद लारीको पक्षमा फैसला सुनाएको हो । यो फैसलासँगै एभरेष्टका अर्का संस्थापक मकबुल अहमद लारीका छोरा मुजफ्फर अहमद लारीले नपाउने भएका छन् ।
सन् १९८१ देखि मकबुल अहमद लारीले झण्डै साढे तीन करोड रुपैयाँको पुँजीमा एभरेष्ट होटल सुरु गरेका थिए । उनले होटेलको आधा स्वामित्व आफ्नै भतिज मसकुर अहमद लारीको नाममा हस्तान्तरण गरी व्यवस्थापनको जिम्मा दिएका थिए ।
भूकम्पका कारण होटल बन्द भए पछि मकबुलका छोरा मुजफ्फर अहमद लारी र मकबुलका भतिज मसकुर अहमद लारीका बिचमा होटलको सेयर स्वामित्वको विवाद चर्किएको थियो । होटलका संस्थापक मकबुलको भारतको लखनउ बसाईका क्रममा निधन भएको थियो । उनले होटलमा आफ्ना छोरालाई प्रवेश नगराई भतिजालाई भित्र्याएका थिए । उनको निधनसँगै छोरा तथा श्रीमती र भतिजाको बिचमा होटलको स्वामित्व विवाद चुलिएको थियो । अदालतले मकबुलका भतिजको पक्षमा फैसला गरेको हो ।
