माघ महिनामा नबिल ब्यालेन्स्ड फन्डको प्रतिइकाई खुद सम्पत्ति मूल्य ३३ पैसा तथा नबिल इक्विटी फन्डको ३० पैसाले घटेको छ ।
नबिल ब्यालेन्स फण्ड–१
नबिल म्युचुअल अन्तर्गत सञ्चालित नबिल ब्यालेन्स फण्ड–१ ले माघमा ६१ वटा कम्पनीकाे ७ लाख ७२ हजार ३०४ वटा धिताेपत्रमा ४६ करोड १ लाख १८ हजार ६५९ रुपैयाँ लगानी गरेको छ । अघिल्लो महिना सूचीकृत सेयरमा ५५ करोड ४५ लाख १३ हजार ८५८ रुपैयाँ लगानी गरेको थियो । फण्डले उक्त रकम विभिन्न कम्पनीहरुको शेयर, ऋणपत्र र मुद्धती निक्षेपमा गरी साे लगानी गरेको जनाएको छ ।
ब्यालेन्स फण्डको माघ मसान्तमा प्रति इकाई खुद मूल्य १८ दशमलव शून्य ३ रहको छ । जून पुस महिनाको तुलनामा ३३ पैसाले कम हो । पुस मसान्तमा १८ रुपैयाँ ३६ पैसा थियो ।
माघ मसान्तमा खुद सम्पति १ अर्ब ३५ करोड रहेको छ । ब्याज आम्दानी १ करोड ८३ लाख, लाभांश आम्दानी ५९ लाख ९९ हजार रहेको छ ।
नबिल इक्विटी फन्ड
त्यस्तै नबिल इक्विटी फन्डले पनि शेयर बजारको लगानी घटाएको छ । पुस महिना ८ लाख ५१ हजार ८३३ वटा धिताेपत्रमा ६२ करोड ७७ लाख १८ हजार ४४३ रुपैयाँ बराबरको सेयर होल्ड गरेको कम्पनीसँग माघ महिनामा ५९ करोड ६५ लाख १४ हजार ७०७ रुपैयाँ बराबरको मात्र सेयर रहेको छ ।
फन्डको प्रतिइकाई खुद मूल्य पुसको तुलनामा ३० पैसाले घटेको छ । यो फन्डको माघ मसान्तमा प्रतिइकाई खुद सम्पत्ति मूल्य ९ रुपैयाँ ८ पैसा रहेको छ । फन्डले कुल ४९ वटा कम्पनीको सेयरमा लगानी गरेको छ ।
