रसुवागढी
रसुवागढीले दोस्रो चरणमा संस्थापक सेयरधनी संस्थाका कर्मचारीहरुका लागि २३ लाख ९४ हजार ७३५ कित्ता निष्काशन गरेको थियो । जसमा ८ हजार ९८६ कर्मचारीले ४३ लाख ९३ हजार ७३० कित्ता सेयर माग गरेको सेयर विक्री प्रबन्धक सिद्धार्थ क्यापिटलले जनाएको छ ।
रसुवागढीको सेयरमा आवेदन गरेका ८ हजार ९८६ कर्मचारीमध्ये २२ जना आवेदकको आवेदन रद्ध भएको छ । दोहोरो आवेदनका कारण ७ आवेदकको दुई हजार ९०० कित्ता तथा १५ अन्य आवेदकको सात हजार ५०० कित्ता सेयर आवेदनमा भएको त्रुटीका कारण आवेदन रद्ध भएका छन् । ८ हजार ९६४ आवेदकको ४३ लाख ८३ हजार ३३० कित्ता सेयरको आवेदन सदर भएको थियो ।
यसमा ७ हजार ७६८ जनाले २७० कित्ता सेयर प्राप्त गरेका छन् भने २६१ कित्ता सेयर प्राप्त गर्नेको संख्या ५ रहेको छ । एक हजार २५ आवेदकले २६० कित्ता सेयर पाएका छन् । ४७ जनाले २५० कित्ता, ५० जनाले २०० कित्ता, एक जनाले १८० कित्ता, १७ जनाले १५० कित्ता, २ जनाले १४० कित्ता, २ जनाले १३० कित्ता, एक जनाले १२०, एक जनाले ११०, २३ जनाले १०० कित्ता, २ जानले ६० कित्ता र १४ जनाले ५० कित्ता सेयर प्राप्त गरेका छन् ।
रसुवागढीमा २५० कित्तासम्म आवेदन गर्ने सबै संस्थापक सेयरधनी संस्थाका कर्मचारीहरुले माग अनुसार नै सेयर पाएका छन् । २७० कित्तादेखि ५०० कित्तासम्म आवेदन गर्नेले सबैले २६० कित्ता सेयर प्राप्त गरे ।
यसरी बाँडफाँड गरेर बाँकी रहेको ७७ हजार ६८५ कित्ता सेयर २७० कित्तादेखि ५०० कित्ता आवेदन गर्ने ८ हजार ७९८ जनामध्ये गोलाप्रथाबाट ७ हजार ७६८ जनालाई १० कित्ताको दरले थप बाँडफाँड गरिएको छ । त्यसबाट पनि बाँकी रहेको पाँच कित्ता सेयर यसअघि थप १० कित्ता प्राप्त नगरेका १ हजार ३० आवेदकमध्ये पाँच जनालाई गोलाप्रथाबाट एक कित्ताका दरले वितरण गरिएको छ ।
यसमा न्यूनतम ५० देखि अधिकतम ५०० कित्तासम्म आवेदन दिन पाइने व्यवस्था थियो ।
साञ्जेन
साञ्जेनको संस्थापक संस्थाका कर्मचारीका लागि १२ लाख ७७ हजार ५ सय कित्ता निष्काशन गरेकोमा ८ हजार ९७७ कर्मचारीले २६ करोड ३७ लाख २३ हजार रुपैयाँ बराबरको २६ लाख ३७ हजार २३० कित्ता सेयर माग गरेका कम्पनीको सेयर विक्री प्रबन्धक नागरिक लगानी कोषले जनाएको छ ।
संस्थापक सेयरधनी संस्थाका कर्मचारीहरुमध्ये १४० कित्तासम्म सेयर माग गर्ने सबैले माग अनुसार नै सेयर प्राप्त गरेका छन् । १५० देखि ३०० कित्तासम्म सेयर माग गर्ने ८ हजार ८७३ आवेदकलाई पनि १४० कित्ताकै दरले सेयर बाँडफाँड गरिएको छ । यसबाट बाँकी रहेको २७ हजार ४६० कित्ता सेयर १५० देखि ३०० कित्तासम्म सेयर माग गर्ने ८ हजार ८७३ आवेदकमध्ये गोलप्रथाबाट २ हजार ७४६ जना आवेदकलाई थप १० कित्ता सेयर बाँडफाँड गरिएको हो ।
यसअनुसार संस्थापक संस्थाका कर्मचारीमध्ये २ हजार ७४६ जनाले १५० कित्ता, ६ हजार १२७ जनाले १४० कित्ता, १ जनाले १४० कित्ता, १ जनाले १३० कित्ता, १ जनाले १२०, २ जनाले ११०, ६१ जनाले १०० कित्ता, १ जानले ८० कित्ता र १ जनाले ७०, १ जनाले ६०, १८ जनाले ५० कित्ताका दरले सेयर प्राप्त गरेका छन् ।
यसमा न्यूनतम ५० देखि अधिकतम ५०० कित्तासम्म आवेदन दिन पाइने व्यवस्था गरिएको थियो ।
