सो कार्यक्रममा साउदले सम्झौता अनुसार अनलाइन कारोबार प्रणालीको जडान जेठसम्म पुरा हुने भएकाले परीक्षण असारबाट र श्रावणदेखि पूर्ण रुपमा सञ्चालन आउने बताए ।
नेप्सेले वाइको प्रालिसँगको साझेदारीमा उक्त प्रणाली निर्माण गरिरहेको छ । जम्मा १६ ओटा मोडल रहने यो प्रणालीमा हालसम्म करीब १४ ओटा प्रणाली निर्माण भइसकेको छ । यो प्रणाली कार्यान्वयनमा आउनासाथ लगानीकर्ता दोस्रो बजार कारोबारका लागि ब्रोकरसम्म पुग्नुपर्ने झन्झटबाट मुक्त हुनेछन् ।
यो प्रणाली आएपछि साना लगानीकर्ताहरू लाभान्वित हुने भन्दै साउदले कर्जा लिएर सेयरमा लगानी गर्ने लगानीकर्तालाई तत्काल घाटा देखिए पनि दिर्घकालीन लगानीकर्तालाई बजारमा घाटा नरहेको बताए ।
सो कार्यक्रममा सिडिएस एण्ड क्लियरिङ्ग लि.का प्रमुख कार्यकारी देव प्रकाश गुप्ता, नेपाल राष्ट्र बैंकका कार्यकारी निर्देशक भिष्मराज ढुंगाना लगायतले पूजी बजारका विभन्न बिषयमा लगानीकर्तालाई जानकारी गराएका थिए ।
