नेपाल धितोपत्र बोर्डले रजत जयन्तीको अवसरमा आयोजना गरेको पूँजी बजार प्रदर्शनीमा मेरोलगानी डटकमको स्टलमा पहिलो दिनमा उत्साहजनक सहभागिता भएपछि अफर तेब्बर पारिएको छ ।

आम लगानीकर्ताको मागलाई मध्यनजर गर्दे लक्की ड्र मार्फत १०० जनालाई बितरण गरिने एक हजार रुपैयाँ बराबरको गिफ्ट भौचर ३०० जनालाई वितरण गरिने भएको छ । यसअघि लक्की ड्र मार्फत १ सय जनालाई गिफ्ट भौचर बितरण गरिने घोषणा गरिएको थियो । 

उक्त गिफ्ट भौचर मेरोलगानीका उत्पादनहरु पोर्टफोलियो ट्र्याकिगं, डाटा एनालिटिक्स, न्युजलेटर, प्राविधिक तथा आधारभुत सेयर तालिम तथा दैनिक सेयर कारोबारको डाटा खरिद गर्दा उपयोग गर्न सक्नेछन् । यसका लागि स्टल भ्रमण गर्नेले मेरोलगानीको स्टलमा आफ्नो नाम, सम्पर्क नम्बर र इमेल आईडि सहित दर्ता गर्नुपर्ने हुन्छ ।

एक्स्पोमा मेरोलगानी डटकमले ग्राहक सेवालाई मध्यनजर गर्दे १०१ नम्बर स्टल राखेको छ । दुई दिन सञ्चालन हुने एक्स्पोको बुधबार बिहान अर्थमन्त्री डा. युवराज खतिवडाले उद्घाटन गरेका छन् । १७० स्टल रहेको एक्स्पो विहीबारसम्म चल्नेछ ।

नेपालको सेयर बजारका सम्बन्धमा सक्रिय रुपमा समाचार सम्प्रेषण तथा तालिमहरु आयोजना गर्दै आएको मेरोलगानी डटकमले स्टल अवलोकनका क्रममा बजारका साथै मेरोलगानीले दिने सेवाका बारेमा जानकारी दिनेछ ।

सेयर बजारका बारेमा सचेतना बढाउँदै लगानीकर्ताको उत्साह बढाउन पहिलो पटक क्यापिटल एक्स्पो आयोजना गरिएको हो । तपाई सेयर बजारका बारेमा जानकारी लिन अनि सम्बद्ध पक्षहरुसँग चिनजान गर्न चाहनु हुन्छ भने यो एक्स्पो उचित गन्तव्य हुन सक्छ ।

नेप्से, सिडीएस एण्ड क्लियरिङ लिमिटेड, ब्रोकर कम्पनी, मर्चेन्ट बैंकर, क्रेडिट रेटिङ एजेन्सी लगायतले एक्स्पोमा सहभागि हुने लगानीकर्ता तथा अन्य अवलोकनकर्तालाई बजारका बारेमा जानकारी प्रदान गर्ने छन् । एक्स्पोमा धितोपत्र सम्बन्धी अध्ययन सामाग्री निःशुल्क प्रदान गरिनेछ ।