आरएसडिसीको सेयर बिक्री प्रबन्धक एनआईबिएल एस क्यापिटल रहेको छ । सेयरधनीले एनआईबिल एस क्यापिटलको कार्यालय लाजिम्पाट तथा यसका शाखा कार्यालयका साथै तोकिएको इन्भेष्टमेन्ट बैंकको शाखा कार्यालय मार्फत हकप्रद सेयरमा आवेदन दिन सक्नेछन् ।
लघुवित्तले ५ बराबर तीन कित्ता अनुपातमा २१ लाख ५९ हजार ७०० कित्ता हकप्रद निष्काशन गर्न धितोपत्र बोर्डबाट बैशाख २६ गते स्वीकृती प्राप्त गरेकाे थियाे। कम्पनीको चौथो वार्षिक साधारण सभाले ६० प्रतिशत हकप्रद सेयर जारी गर्ने प्रस्ताव पारित गरेको थियो ।
लघुवित्त कम्पनकाे चुक्ता पूँजी ३५ करोड ९९ लाख ५९ हजार रुपैयाँ रहेको छ । हकप्रद निष्काशनपछि लघुवित्तकाे ५७ करोड ५९ लाख रुपैयाँ चुक्ता पूँजी पुग्नेछ ।
कम्पनीले चालू आवको तेश्रो त्रैमासमा दुई करोड ३० लाख रुपैयाँ खुद नाफा आर्जन गरेको थियो ।लघुवित्तकाे सेयरमूल्य अाइतबार ८१५ रूपैयाँ हाराहारीमा काराेबार भैरहेकाे छ ।
