'चरो मुसाको जस्तो चारो खोजेर दिन विताउनुपर्ने स्थितिको अन्त्य हुन्छ' : प्रम ओली

May 27, 2018 Merolagani



प्रधानमन्त्री  केपी शर्मा ओलीले अब आम नेपालीको जीवनस्तरमा सुधार आउने बताएका छन् । सरकारले संसदमा प्रस्तुत गरेको नीति तथा कार्यक्रमका विषयमा उठेका प्रश्नको जवाफ दिँदै प्रधानमन्त्री ओलीले अब आम सर्वसाधारण जनताले  चरा र मुसाको जस्तो चारोको खोजीमै दिन विताउनुपर्ने अवस्थाको अन्त्य हुने बताए ।

प्रधानमन्त्री ओलीले नीति तथा कार्यक्रम कर्मकाण्डी मात्र नभई मुलुकलाई आर्थिक रुपान्तरणमा लगिने बताए । सरकारको नीति तथा कार्यक्रम महत्वकांक्षी रहेपनि असम्भव कुरा केही नरहेको उनको भनाई थियो ।

नेपालमा अबको केही वर्ष भित्रै सबै नागरिकलाई कम्तिमा दुई खान लाउन, छोराछोरी पढाउन पुग्ने गरी आर्थिक हैसियत बनाउने काममा सरकार लाग्ने दाबी गरे ।

प्रधानमन्त्री ओलीले सरकारले केही बर्षभित्र रेल तथा पानी जहाजमा पनि चलाउने बताएका छन् । काठमाडौं वीरगञ्ज रेल ५ वर्षमा बनाउने सहमति भइसकेको बताउदै काठमाडौं केरुङ जोड्ने रेलका लागि पनि सम्भाव्यता अध्ययन भइरहेको बताए ।

त्यस्तै काठमाडौंमा मेट्रो रेल चलाउने सहमति महानगरले गरिसकेको भन्दै प्रधानमन्त्री ओलीले सम्भाव्यता अध्ययन सकिए लगतै निर्माण सुरु हुने बताए उनले काठमाडौँमा ३ वर्षभित्रै मेट्रो रेल चल्ने दाबी गरे ।

 




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।