साधारण सभाबाट फाइनान्सले ६ करोड २२ लाख रुपैयाँ बराबरको बोनश शेयर वितरण गर्ने प्रस्ताव पारित गरेको हो । यससँगै फाइनान्स कम्पनीले साधारण सभाका लागि बुकक्लाेज गरेकाे दिनसम्म सेयर डिम्याट गरेका सेयरधनीलार्इ उनीहरूकै डिम्याट खातामा बाेनस पठाउनेछ ।
सभाबाट सञ्चालक समितिमा भुवनसिंङ गुरुङ, डा.दीर्घमान गुरुङ, शोभा गुरुङ तथा रेशम लाल पौडेल निर्वाचित भएका छन् ।
७५ करोड ४१ लाख रुपैयाँ चुक्ता पूँजी रहेको पोखरा फाइनान्सको बोनसपश्चात ८१ करोड ६४ लाख ४९ हजार रूपैयाँ पूँजी पुग्नेछ । कम्पनीले चालु आर्थिक वर्षको तेस्रो त्रैमासमा ६ करोड ५३ लाख रुपैयाँ खुद नाफा कमाएको छ ।
