आइएमई जनरल इन्स्योरेन्स कम्पनीले १०ः८ अनुपातमा ४३ लाख २० हजार कित्ता हकप्रद सेयर बिक्री गर्न अनुमति पाएको हो । यससँगै कम्पनीले केही दिनभित्रमा नै हकप्रद निष्काशन हुने मिति निर्धारण गर्नेछ ।
इन्स्योरेन्सको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ ।
५४ करोड रुपैयाँ चुक्ता पूँजी रहेको इन्स्योरेन्सको उल्लेखित हकप्रद निष्काशन पश्चात चुक्ता पूँजी ९७ करोड २० लाख रुपैंया पुग्नेछ । बीमा समितिले तोकेको निर्जीवन बीमा कम्पनीको एक अर्ब चुक्ता पूँजी पुर्याउन इन्स्योरेन्सले थप २ करोड ८० लाख रुपैंया बराबरको बोनस बितरण गर्नुपर्ने हुन्छ ।
यस अघि एनबी इन्स्योरेन्स रहेको कम्पनीले पहिलो पटक ८० प्रतिशत हकप्रद निष्काशन गरेर त्यसपछि शतप्रतिशत हकप्रद निष्काशन गरिसकेको छ । अहिल पाएको अनुमतिसँगै इन्स्योरेन्सले तेस्रो पटक हकप्रद बिक्री गर्नेछ ।
चालु आर्थिक वर्षको तेस्रो त्रैमाससम्म कम्पनीले ८ करोड २३ लाख रुपैयाँ खुद नाफा कमाएर प्रतिसेयर आम्दानी २० रुपैयाँ ३४ पैसा कायम गरेको छ ।